Frank Turner-a'n world record a siam ta

British musician, Frank Turner chuan darkar 24 chhungin khaw 15-ah show 15 neiin, ni khat chhunga khaw hrang hranga show nei ngah ber record a siam.

Turner hian grassroot music venues tana din, UK charity Music Venue Trust pualin show hi a siam a, May 4 leh 5 inkar khan UK-a khaw 15-ah solo show 15 hi a nei a, show pakhatah hian minute 20 vel zet hun a hmang a ni. Kum 2014-a darkar 24 chhung khawpui 10-a concert 10 nei record siamtu, Hunter Hayes-a record ding lai chu a rawn khum ta a ni. Hemi hma kum 2012 khan Flaming Lips chuan ni khat chhung khaw pariatah show vawi riat an lo nei tawh bawk. Guinness Book of World Records chuan official-in a la pawm lo a, mahse, Music Venue Trust chuan verification tihna tura ṭulte chu an theh lut vek dawn tih an sawi.