Kum 10 dawn Met Gala-ah Jennifer Lawrence inlan tawh lo

'Fashion biggest night', Met Gala hi mi lar tam zawkin an ngai pawimawh a, an thawmhnaw rawn hak chhuah tur pawh an lo er lawk nasa ṭhin hle. Hetih lai hian Hollywood star lar, Jennifer Lawrence erawh chu kum 10 dawn Met Gala hi a chhim tawh lo a, kuminah pawh a inlan lo.

Meta Gala-a Lawrence inlan hmasak ber chu kum 2013 kha niin, Christian Dior gown a rawn ha a ni. A inlan hnuhnun ber chu kum 2015 kha niin, hemi hnu lamah chuan a tel ve tawh ngai lo. Lawrence chuan fashion lam hi a tuipui lutuk lo tih a sawi a, hemi rual red carpet-a a thawmhnaw hak duh chu tlang taka a sawi mai ṭhin thu a sawi, 'Ka thawmhnaw hak tur chu ka duh dan ang tak a ni tur a ni," a ti. A thawmhnaw hak duh zawng pawh design maksak, langsar leh chei uchuak tak ni lo a ni tih a sawi. Fashion lam aiin sana lam a tuipui a, hei vang hian luxury watchmaker, Longines ambassador pawh a ni chho a ni.