Instagram hmangtu mi tld 2.4 chuang an awm

Social media platform zingah Instagram hi a hmangtu tam lama a palina niin, social media user zinga 39.68% chuan Instagram hi an khawih tel a ni. Kumin May thlaah Instagram hmangtu hi mi tluklehdingawn 2.4 chuang an awm a, khawvela mihring awm zinga 24.69% an tling pha.

Ram hrang hrang zingah India-ah Instagram hmang hi an tam ber a, Instagram hmangtu zingah mtd 362.9 an awm a, US-in dawtin mi mtd 169.56 an awm bawk. Brazil, Indonesia leh Turkey-te chu user tam zualna an ni bawk.

GenZ leh Millenials chuan platform hrang hrang zingah Instagram hi an hmang uar ber. IG hmangtu zinga 62.4% hi kum 18-34 inkar niin, kum 35-44 inkar 16%, kum 45-55 inkar 8.7% , kum 55-64 inkar 4.5% leh kum 65 chung lam 2.8% an awm bawk a ni.

Khawvel huapin IG hi hmeichhia aiin mipa hmangtu an tam zawk a, user zinga 50.6% chu mipa niin hmeichhia 49.4% an ni. Chawhrualin user-te hian ni khatah he platform enna atan hian darkar chanve chuang hret zel hun an hmang.

Kum 2010, October 6-a launch, Instagram hian US-a Menlo Park, California-ah headquarters a nei a; kum 2016, August 2-ah story feature hi siamin, kum 2020-ah reels feature hi a siam belh leh bawk.

He platform-ah hian active influencer hi nuai 5 chuang an awm mek. Instagram-a follower ngah ber chu Cristiano Ronaldo a ni a, follower mtd 629 neiin, hei hi Instagram hmangtu zawng zawnga aṭanga 32% chuang a tling pha.