BTS 'Dynamite'-in US-ah Quintuple Platinum thleng

BTS chu Korean group awm tawh zinga United States-a quintuple platinum thleng thei hmasa ber an ni.

Recording Industry Association of America (RIAA) chuan an ram huna May 9-ah khan BTS 2020 hit, 'Dynamite' chu US-ah unit maktaduai 5 hralh chhuah tlin a nih tak avangin official-in quintuple platinum certification a hlan. Korean group ho hla zingah 'Dynamite' hi US-a hetiang dinhmun thleng thei hmasa ber a ni a, mahse, a mimal erawh chuan an hma hian PSY 'Gangnam Style' khan quintuple platinum hi a lo thleng tawh a ni. Group member-te hi sipaia ṭang mekin boruak thar nei thei lo mah se, an hlate hian music industry-ah thawm nei rengin, record an la siam belh zel a ni.