Sawiselna karah Israel-in Eurovision final thleng

Israel singer Eden Golan chuan public vote lak a nih hnuah Eurovision Song Contest final a thleng.

Gaza Strip-a Israel-Hamas indona thleng mek avangin Palestinian ṭantu lam chuan he contest-a Israel a tel hi an sawisel nasa a; Ningania semi-final neih dawn pawh hian contest neihna hmun, Sweden-a Malmo kawtthlerah pawh Palestinian thlawptute hi an pung khawm a ni. Kum 20 mi, Israel singer Golan pawh hi dress rehearsal neih laiin 'boo' khum a ni a, mahse, hetianga an deuhsawh leh tihelna hian contest-a a telna tur eng kawng mahin a dang dawn lo tih a sawi. Semi-final neih hma hian Israel prime minister Benjamin Netanyahu chuan social media kaltlangin Golan duhsakna a hlan a, Juda huatna boruak awm pawh huaisen takin a tawn tlang a ni tiin, 'Mite'n an 'boo' lai che khan keini chuan 'hooray' kan lo ti ve thung,' tiin a fuih. Eurovision Song Contest final-ah hian Israel bakah Latvia, Austria, The Netherlands, Norway, Greece, Estonia, Switzerland, Georgia leh Armenia te an tling bawk.