Spotify-in subscriber mtd 271 nei tling tawh

Music streaming service spotify chuan nikum kum tawp thleng khan subscriber maktaduai 271 an nei tling tawh a, 2018 aiin 31%-in subscriber an pung.

Premium subscriber pawh pung zelin mtd 124 an nei tling tawh bawk a, hei pawh hi kum 2018 ai khan 29%-in a pung.

Research firm Midia chuan hemi chungchang hi tarlangin paid music subscription bikah chuan US-ah Spotify hian hma a hruai tawh tih leh nikum June thla thleng kha chuan paid music subscription market 35% hi a hauh tawh tih an sawi, US tech giant Apple chuan Spotify hi dawtin Amazon chu pathumna an ni bawk.

Kumin chhung hian subscriber mtd 328 aṭanga 348 vel Spotify hian an neih hman rin a ni.