Fashion Designing Course topper Celina Lalenkawli : Pass tharte kutchhuak entirna VSE Fashion Show 2024

Higher& Technical Education Department hnuaia Diploma in Fashion Designing Course result a chhuak a, zirlai 25 te an pass vek. Topper chu Celina Lalenkawli niin, 2nd position Lalrohlupuii leh 3rd position Lalnunkimi te an ni.

Zirlai 23 chu Distinction-ah pass in, First division-ah mi pahnih an pass a, back subject nei pahnih an pass bawk. Pass zawng zawng hi Vocational School of Education (VSE) zirlai an ni.

Kar liamta Zirtawpni zan khan pass thar mi 18-te kutchhuak entirna, VSE Fashion Show 2024 chu Dawrpui Multipurpose Hall-ah neih nghal a ni, lawmman chi hrang hrang sem a ni bawk.

VSE-ah hian ṭhalaite eizawnna tur zirna hrang hrang kalpui a ni, HSCL pass chin tan zir theih niin, course rei zawng hi kum khat a ni. Hmeichhia leh mipa zir theih Beauty Therapist, Tailoring, fashion design, cement Masonry, plumbing, electrician, mason tiling, electronics, automotive technician, IT, hospitality, Health sector leh a dangte a awm.