Vegas-ah Blake Shelton an chawimawi

Country star Blake Shelton chu Las Vegas-a Keep Memory Alive-in 27th Annual Power of Love Gala-an buatsaihah an chawimawi.

Zirtawpni liam ta zana hun hmanah hian Shelton hi a nupui Gwen Stefani bakah country, pop leh broadway musician bakah actor eng emaw zatin an ṭawiawm a ni. Shelton hian Cleveland Clinic Lou Ruvo Centre for Brain Health tan awareness te a neihpui bakah, sum pawh ṭhahnem tak a thawh chhuahpui a ni. Anni hian thluak natna hrang hrang zirchianna neiin, heng zingah hian Alzeihmer leh Parkinson natna thlen theih dante an zirchiang tel bawk. Shelton hian pediatric cancer research and care tan pawh theihtawpa hma lain, kum 2018 khan Blake Shelton Cancer Research Program a din a ni. Keep Memory Alive Co-founder leh Chairman Larry Ruvo chuan,"Blake Shelton music hi kan ngainain kan duh em em a, hemi piah lamah midangte tana a inpekna leh a thawhna hi kan chhuangin, kan chawimawi thei hi kan lawm hle," a ti.