Designer lian panga-in Zendaya an lo hnawl tawh

Entertainment leh fashion industry-a mi langsar, Zendaya Coleman chu khawvela fashion house lian panga - Saint Lauren, Chanel, Gucci, Valentino leh Dior chuan an thawmhnaw hak tir duh loin an lo hnawl tawh.

He thu hi Zendaya stylist, Law Road chuan podcast-ah a sawi chhuak. Roach hian Zendaya hi kum 14 mi lek a nih aṭangin a buaipui a, a lar chhuah tak tak hmaa fashion house lian pangaten an hnawlna receipt te pawh a la dahṭha vek tih a sawi. Khawvel huapa hriat hlawh ni tawh, 'Euphoria' actress hian heng desginer-te thawmhnaw hi a ha mai bik tawh lo ang, tiin a sawi zui. Roach-a style-na hnuaiah Zendaya hian 'big five' ho thawhmnaw hi red carpet-ah a la ha zui ta miah lo. Met Gala 2024 neih zawh takah pawh khan John Galliano thawmhnaw a ha a ni.