Khiangte Construction Ṭhazual GOSPEL : Ṭhazual Gospel-ah Dinsangi'n hma a hruai chhunzawm zel

Khiangte Construction Ṭhazual Gospel-ah chart hmasa lama no. 1 hauhtu, Laldinsangi chuan 'Beautiful day (Mizo Version)' hmangin a kar hnihna atan hma a hruai chhunzawm zel.

'Beautiful Day' Mizo version hi Champhai Vengthlang nula, Laldinsangi hian Ngopaa KṬP General Conference neih takah khan mawi leh ngaihnawm takin a rawn sa a, he hla hi Conference puala a sak tur liau liaua an buatsaih niin, a vawi khat sak chhuahnaah Zoram pumah a rawn larpui thei nghal a ni. A music video pawh siam zui nghalin, a zaithiamin a che vel hmuh a nuam a, tun thlengin thlir leh ngaihthlak a la hlawh zui hle. Tunah hian hla dang pawh a buaipui leh mek a, thla thar lamah tihchhuah theih a beisei.

Pahnihnaah pawh Lalthansangi 'Chhandamtu'n min ko' tih bawk a la awm a, a zai ngainatu leh duhtu an la tam zia a lang chiang zel. Zaia rawngbawlna kawnga thawh hlawk tak, One in Christ chuan an hla thar 'A la pangngai reng' tih chu no. 3-ah a rawn lanpui a, an hla thar apiang hi chart lamah an lanpui thei zel a ni. Hun eng emaw chen an thawm a reh hnua Vohbik hla thar 'Engmahl o Mai' chu no. 4-ah a rawn lang bawk. Lawmi Khiangte chuan ama hla phuah ngei, 'A chhawk duh che' tih hmangin Top 5 a rawn khar bawk.

Ṭhazual Gospel chart tharah hian Lalhmudiki leh Priscilla Laldinpuii Fanai-te an la lang chhunzawm a, anni bakah Thlifim, Cindy Lalthanpuii & Puipuia Chhakchhuak leh Grace Gospel Artistes an rawn lang thar bawk a ni.