BAFTA TV Awards 2024: Sarah Lanchashire-i'n Best Actress dawng leh

British Academy Television Awards ngaihhlut tak, BAFTA Awards 2024 chu Pathianni zan khan London-a Royal Festival Hall-ah sem a ni a, Sarah Lanchashire chuan best actress award a dawng leh.

Sarah Lanchashire hian 'Happy Valley'-a police officer Catherine Cawood lem a channa aṭangin best actress award hi a dawng a, kum 2017 khan best actress atan thlan lo ni tawhin, 2014-ah best supporting actress award a lo dawng tawh bawk.

'The Sixth Commandment' actor Timothy Spall chuan best actor award a dawng a, best supporting actress-ah Jasmine Jobson leh best supporting actor-ah Matthew Macfayden te thlan an ni bawk.

French fictionalized biopic "Class Act" chuan 'Succession' leh 'The Bear' te khumin, best international show award a dawng bawk a ni.