Box Office: "Kingdom of the Planet of the Apes" in beisei a khûm

North America box office-ah "Planet of the Apes" fourth installment, "Kingdom of the Planet of the Apes" chuan tlangzarh karah USD mtd. 56.5 la lutin, no. 1-ah a rawn lang nghal.

Sci-fi dystopian action film hi USD mtd. 50 vel la lut tura beisei a nih laiin beisei a rawn khûm a, kumina film tihchhuah zingah tlangzarh kara sum la lut tam ber pathumna a rawn ni phak. ''Dune: Part Two" khan USD mtd. 81.5 la lutin, "Kung Fu Panda 4" khan USD mtd. 58.3 a la lut bawk a ni.

Ram pawn lamah "Kingdom of the Planet of the Apes" hi a che ṭha hle bawk a, USD mtd. 72.5 hmuin, tlangzarh kara khawvel huapa a sum hmuh hi USD mtd. 129 a tling a ni. Critics review pawh a ṭha a, Rotten Tomatoes-ah 80% hmuin, audience lam pawhin CinemaScore-ah 'B' grade an pe.

Ryan Gosling leh Emily Blunt-te channa, action comedy "The Fall Guy" chu no. 2-ah tla thlain, USD mtd. 13.7 a hmu a, khawvel huapa a sum hmuh hi USD mtd. 103.7 a tling tawh thung. Zendaya channa, "Challengers" chu no. 3-ah la awm chhunzawmin, USD mtd. 4.7 a hmuh belh leh bawk. USD mtd. 3.4 la luttu "Tarot" leh, USD mtd. 2.5 la luttu "Godzilla x Kong : The New Empire" chu no. 4 leh 5-ah an lang bawk a ni.