May 17 zanah Zonet Arkaiden zan

Zonet TV programme thar, Zonet Arkaiden zan chu May 17 zan hian hman a ni dawn. He programme hi live-in Zonet Zawlbuk, HD leh Empai-ahte tihchhuah a ni ang.

Zonet Arkaiden zan programme hi thla tin hman tur a ni ang. Tun ṭumah hian Mizote'n kan neih rohlu zinga mi, zaithiam leh hla phuah thiam, Lalsangzuali Sailo hla hmangin zaithiam hrang hrangte'n hun an hmang dawn a, hun hmang turte hi tunlai Zoram rimawi khawvela boruak nei lian tak tak - Mizo Idol Hmangaihi, Mary Dawngi, Fawni, Kimkimi, Guru Gee, David Darlong leh Zothana te an ni.