ENHYPEN an rawn comeback dawn

K-pop boy band lar, ENHYPEN chu summer comeback nei turin an inbuatsaih mek a, July 12 hian album thar an tlangzarh dawn tih an sawi. Hei hi kumina album an tihchhuah pahnihna tur niin, May 13 khan an original webtoon DARK MOON tan special album, 'MEMORABILIA' an lo tichhuak tawh bawk. Title track, 'Fatal Trouble' music video pawh tichhuakin, hei hi animated format-in an siam a ni.

February thla khan ENHYPEN hian an group leh fan-te chungchang tarlanna, documentary film siam an tum thu an lo sawi tawh bawk a,'FANMAD : ENHYPEN' tiin hei hi Hollywood star, Reese Witherspoon-i company, Hello Sunshine chuan a produce dawn a ni. Member pasarih - Jay, Jake, Jungwon, Hessung, Sunghoon, Sunoo, leh Niki te awmna, ENHYPEN hi kum 2020, November 30-a debut niin, khawvel huapin an lar tawh a, chart lama langsar hla eng emaw zat neiin, heng zingah hian Bite Me, Sweet Venom, FEVER, Polaroid Love leh a dang eng emaw zat an nei.