Dune: Prophecy-ah Indian superstar Tabu

"Max" prequel series, "Dune : Prophecy"-ah Indian actress Tabu a chang ve dawn a, mahse, tihchhuah hun tur erawh sawi chian a la ni lo.

He series hi kum 2019 khan "Dune : The Sisterhood" tiha siam tura ruahman a lo ni tawh a, Brian Herbert leh Kevin J.Anderson-te novel, "Sisterhood of Dune' inspire a ni. He series hi Harkonnen unau hmeichhe pahnihte'n mihringte tihchhiat vek tumtu an beih let dan chungchang a ni a, Tabu hi Sister Francesa lemah a chang ang. Indian cinema actress lar ber pawl ni reng ṭhin, Tabu hian National Film Award for Best Actress hi ṭum hnih a dawng tawh a, 'Life of Pi', 'The Namesake' leh BBC miniseries 'A Suitable Boy'-ahte pawh a lo inlan tawh bawk. “Dune: Prophecy”-ah hian Emily Watson, Olivia Williams, Travis Fimmel, Johdi May, Mark Strong, Sarah-Sofie Boussnina, Josh Heuston, Chloe Lea, Jade Anouka, Faoileann Cunningham, Edward Davis, Aoife Hinds, Chris Mason leh Shalom Brune-Franklin-te an chang dawn bawk.