Kuminah MTV Movie & TV Awards sem dawn lo

MTV Movie & TV Awards, MTV Movie Awards tia sawi mai ṭhin chu kuminah sem a ni dawn lo a, kum 2025-ah ruahmanna thar nen sem a ni dawn tih organiser-te chuan an sawi.

Kum 1992 aṭanga sem ṭan, MTV Movie Awards hi kum 2019 thleng khan kum tin buatsaih ṭhin a ni a, kum 2020 khan Covid-19 hri leng vangin ṭhulh a ni. Kum 2021 leh 2022 khan neih leh niin, 2023 khan Writers Guild of America te nawrh huaihawt avangin tihdan phung pangngaia nei loin, host awm loin pre-recorded virtual ceremony-in kalpui a ni. Pop-culture show lar leh ngaihhlut tak ni ṭhin hian tun hma lam anga ngaihven leh ngaihhlut a hlawh ta vak lo a, boruak pawh a nei lian tawh lo a ni. Hei vang hian a buatsaihtu lam pawhin kuminah sem loin, kum thar lamah tha tharin, ruahmanna ṭha zawk nena vawrh chhuah an tum a ni.