One in Christ bawk an lian

Hontrade International Ṭhazual Fakna chart tharah pakhatna erawh a la ngai a, One in Christ bawkin pakhatna hi an hauh leh.

One in Christ hian 'Ni thar' hi a zawnin an hlawhtlinpui ta a, a hla a nalh a, a video a ṭha hle. He hla hi an member Alvin-a leh a ni a, Hauhnar Recordings-ah record-in, music hi Thangbawiha kutchhuak a ni. Video hi Tea kutchhuak a ni a, a ṭha viau mai. He hla hmang hian Lelte Award-ah khan Best Gospel Music Video an dawng nghe nghe.

One In Christ hian album an buaipui mek a, an tihchhuah hun tur erawh an la sawi chhuak chiah lo. Tuna an hla bakah hian April thla khan music video dang an peih leh tawh bawk a, hengte hi an album-a dah tur a ni. An album hming tur hi 'Ka lawm e Lalpa' tih a ni a, hla pakhat chiah la peihfel zan lo an nei a, tunah tak phei chuan an peihfel tawh hial mai thei.

Palina aṭangin Pensy hla 'Duhthlanna ruam' chu pahnihnaah a rawn insawn chho a, a hmaa pahnihna Temi Sailo chu pasarihnaah daih a chhuk thla thung. Mawitei hla 'A thlamuan ang che' tih chu pathumnaah a rawn kai chho a, pathumna
aṭangin Baby Mal≠sawm≠tluangi chu palinaah a tla thla a, Amtea hla 'Ka thlang ber che' tih chu panganaah a rawn lang ta bawk.

Vohbik hla 'Jordan lui' chu top 10 aṭangin a chhuak ta. He hla hi Hontrade International Ṭhazual Faknaah hian pakhatnaah vawi hnih lai a awm hman a ni. Top 10-ah hian Stacy VL Muanpuii hla thar 'Khawngaihna thing kraws' a rawn lang thar. He hla hi Tuikual Branch KṬP-in album an siama mi kha a ni a, single-in an tichhuak a ni. Worship hla a ni a, hetiang hla thluk leh kalhmang hi Mizotena kan la ngah loh lam tak a ni.

Hontrade
International Ṭhazual Fakna

1 One in Christ -
Ni Thar

2 Pensy- Duhthlanna ruamah

3 Mawitei -
A thlamuan ang che

4 Baby Malsawmtluangi -
Ka hlau lovang

5 Amtea - Ka thlang ber che

6 Rebecca Zorintluangi -
Kraws mak tak chu

7 Temii Sailo -
Ka lungawina Isua

8 Chris MS Dawngkima -
Thinlungin ka fak ang che

9 Betea - Ka tan I tuar

10 Stacy VL Muanpuii - Khawngaihna Thing Kraws