F. Zomuanpuia. A music video pahnihna tur a peih fel ta

'Don't let me down' hla a rawn thlawh a, Ṭhazual chart-ah pawh a rawn hlawhtling a, tunah hian F. Zomuanpuia chuan hla thar dang a rawn tichhuak leh ta.

Mizo Idol 2015-a Top 20 aṭanga kan hriat F. Zomuanpuia hian 'Thinlai luahtu' hla hmangin beiseina sang tak nen a rawn invawrh chhuak leh a, a hma ang bawk khan a hlawhtling thei ang em tih hriat a chakawm viau. 'Don't let me down' hla kha Hontrade International Ṭhazual 10-ah palina lai a thleng thei.

F. Zomuanpuia hla thar 'Thinlai luahtu' hla hi Venpuia Khawlhring phuah a ni a, video hi AP Peter Production tena an tih niin, Lung≠lei hmuna an shot a ni. Melody Recording Studio-ah record a ni a, a hla a ṭha a, recording leh video shooting engkim an uluk a, an
ṭhat viau a rinawm a, a hlawhtlin a rinawm bawk.

Zomuanpuia chuan, "He hla hi a thluk leh engkim mai hi a ṭha ka ti a, mawi ka tihzawng tak a ni bawk. Hengte avang hian rilru zawng zawngin ka sa a, chuvang chuan mite pawhin an duhin, nalh an tih ve ka ring khawp mai," a ti. He hla, a duhzawng tak mai sak phalsaktu, a phuahtu Venpuia Khawlhring chungah a lawm hle bawk.