GoT prequel :'House of the Dragon'-ah Viserys I Targaryen tur chiang tawh

Game of Thrones prequel tur an buaipui mek 'House of the Dragon'-ah chuan Targaryen hmasa ber tur a chiang ta a, HBO chuan English actor Paddy Considine chuan King Viserys I Targaryen lem a chan dawn thu an tarlang.

Viserys I Targaryen hi Targaryen lal pangana tur niin dragon chunga chuang thei zinga mi a ni dawn a, dragon lar tak Balerion the Black Dread chungah a chuang vel dawn a ni.

Viserys thihna hian civil war a chawk chhuak dawn nia tarlan niin, chu indona chu  Dance of the Dragons tiin a hming an vuah a, a nupui hmasa laka a fanu Rhaenyra chu a lal ṭhuthleng luah tura a ruat vangin indona hi a chhuak dawn a; a nupui pahnihna fapa upa ber Aegon the Elder (a hnua Aegon II ni ta) chuan lalṭhutthleng hi a chuhpui vangin indona a chhuak leh dawn. 

Paddy Considine hi lemchan lama tawnhriat ngah tawh tak a ni a, BAFTA leh Silver Lion-te pawh lo dawng tawh niin film eng emaw zatah a chang tawh.

'House of Dragons'-ah hian tunge midang chang dawn tarlan a la ni lo a, George R.R. Martin-in 2018-a a tihchhuah Fire & Blood behchhana siam tur series hi Game of Thrones hma kum 300 vela thleng anga chan a ni dawn.