Jennifer Lopez-in The People’s Icon award dawng dawn

November 15-a buatsaih tur The 2020 E! People’s Choice Awards-ah zaithiam leh lemchan thiam Jennifer Lopez chuan 'The People’s Icon award' a dawng dawn tih E! News chuan a tarlang.

"Kum 20 chuang tehmeuh chu music khawvelah Jennifer Lopez hian sulhnu ropui tak tak a nei tawh a, heng music lama a thawh hlawkna zawng zawng avangte hian chawimawi a phu hle. Latin music chu music khawvela rawn zuan luh puitute zingah a tel a, lemchan lamah leh fashion thlengin hna ropui tak tak a thawk a ni. Chuvang chuan Jennifer hian The People’s Icon of 2020 chawimawina hi a phu a ni," tiin E! News executive Jen Neal chuan a sawi.

Lopez hi nakkum February 12-a tihchhuah tum American romantic comedy film, Marry Me-ah a chang a, he film-ah hian a hla sak lar tawhte pawh kan ngaithla nawn leh dawn niawm tak a ni.