Van Halen album hralh a kal thar

Van Halen ṭhingṭang perhtu Eddie Van Halen thih hnuah an album hralh a pung hluai a, US-ah chuan Eddie thih hma ni aiin a thih niah  6,198%-in album an hralh tam.

Nielsen Music/MRC Data-in an tarlan dan chuan Ocotober 5 kha chuan album 1k pawh an hralh tlin loh laiin Eddie boral ni kha chuan an album collection leh an hlate chu copy 40,000 lai US-ah hralh a ni.

Album sales bikah chuan October 6 khan an catalog chu copy 9,000 an hralh a, hei hi a hma ni aiin 5,835%-in a tam. An album hmasa ber 1978-a an tihchhuah chu copy 2,000 an hralh bawk.

Hla mal ang chuan track 31,000 an hralh bawk a, hei hi a hma ni nena khaikhin chuan 6,317% laiin a tam. An hla hit tak tak 'Jump', 'Panama', 'Eruption' leh 'Runnin’ With the Devi'-te chu hralh a kal zual a ni.

An album hralh hi hetiang renga a pung chho a nih chua kar leh lamah hi chuan Billboard chart-ah pawh nghawng a neih chhoh an ring bawk.