Amazon Prime Sci-Fi series tharah Chloë Grace Moretz

Kick Ass leh Diary of Wimpy Kid star Chloë Grace Moretz chu Amazon Prime Video-in  William Gibson-a lehkhabu ziah Sci-Fi mystery thriller novel The Peripheral series-a an siam turah a chang dawn.

He series tharah hian Moretz hian chhungkaw kehchhe mek humhim tu hmeichhe pakhat Flynne Fishe lem a chang dawn a ni. 

The Peripheral hi screenwriter Scott B. Smith chuan a buaipui dawn a, Westworld creator nupa  Jonathan Nolan leh Lisa Joy-te chu executive producer an ni dawn bawk.

Chloë Grace Moretz inlan tur chungchang hi Variety chuan an tarlang hmasa leh ber a, Amazon, Moretz, Smith, Nolan, leh Joy-te chuan engmah an la sawi lang lo thung. Moretz a chang dawn tih chiah hi tarlan a ni a, a chanpui tur lam engmah sawi lan a la awm lo bawk. Hetihlai hian nikum November thla khan The Peripheral series siam a ni dawn tih erawh tihchian a lo ni tawh.

Chloë Grace Moretz hi kum 23 chauh la ni mah se lemchan lamah sulhnu a nei ngah tawh hle a, kum naupangte a nih aṭanga lemchan lam luhchilh tawh a nih avangin film a chang hnem tawh hle.