Justin Bieber Pathian avang chauha hlawhtling a ni tih a inpawm

Entertainment khawvelah hi chuan lawmthu an sawinaa Pathian hming lamrik te pawh hi a kh‚t viau a, mahse, Justin Bieber hi chuan Pathian hnenah lawmthu a sawi deuh reng a ni ber.

Nungchang maksak deuh hlek put ch‚ng a nei ve fo a, mahse Pathian hnena lawmthu sawina chang a hria hi a tiropui ang reng hle. 'Purpose' tour a nei a, a hlawhtling a, show a neihna tur hmuna ticket an zawrh chhuahte a hralh zo ṭhak ṭhak zel a, hetiangah hian Bieber chuan Pathian hnenah lawmthu a sawi.

"Hetiang thil sawi theia ka awm hi vannei ka inti hle. Mite thlarau mit hi del ṭhin mah se, Pathian hi chu tihchÍt theih a ni...amah
aṭanga Íng tel lo hi chuan kei chu engmah ka ni lo a, stage-ah pawh hian engtihna mah ka ni lo," a ti.

Milar tam tak hi anmahni ngaisangtute hian pathian biak in an be lo chauh a ni a, hemi thuah hian Justin Bieber a fimkhur hle a, a fan-te pathian anga amah be lo turin a chah. "Mite hian mihring hi chu pathian anga be lo turin ka duh a ni," a ti. "Mihring hi miin a biak tawh chuan a hlauhawm hle a, chapona a thleng thuai ṭhin a ni," a ti bawk. Justin Bieber hian a nungchang ṭha lote kalsan a duh ṭhin a, a kalsan theih nan leh, nun ṭha leh nun pangngai, mite tana malsawmna nun a neih theih nana a innghahna ber chu Pathian a ni tih a sawi. "Hei vang ber hian a ni, ka tana Pathian nena inlaichinna ṭha neih a pawimawh lehzualna chu," a ti. A nun ṭha lo kalsan theihna kawng awm chhun chu Pathian a ni tih a pawm.