Computer-ah awlsam zawkin

WhatsApp Web chu i hmang fo tawh ang, mahse tuna WhatsApp thar erawh hi chu i la hmelhriat loh a ni nain, computer kaltlanga WhatsApp Web i lo hmang fo tawh a nih chuan buaina tur a awm chuang lo.

WhatsApp Web leh Desktop WhatsApp te inanna chu computer-a hman dawna QR code scan ngai te, bul hnaia phone dah reng te kha a la ni a, a danglamna tam ber erawh shortcut key leh memory a hman tlÍm tate hi a ni.

Windows hmang i nih a, Desktop WhatsApp i hmang a nih chuan, mi nena in chat-na i dah
ṭha (archive) duh a nih chuan Ctrl+E hmeh mai tur a ni a, i group awmna te i mute duh a nih chuan Ctrl+Shift+M hmeh leh tur a ni. Message i chhiar tawh status i thlak duh a nih chuan Ctrl+Shift+U hmeh a ngai a, i delete duh thung a nih chuan Control leh Backspace i hmeh kawp a ngai thung. Search bar-a i kal nghal duh a nih chuan Ctrl+F a ni a, chat thar i duh a nih chuan Ctrl+N a ni a, group thar i siam duh thung chuan Ctrl+Shift+N a ni thung. Mac-ah pawh a ngai deuh vek a, Ctrl aiah command key hmeh thung mai tur a ni.

Mahse Windows hlui deuh emaw, Mac OS hlui deuh emaw i hmang a nih chuan Desktop Whatsapp hi i hmang thei lo thung ang. Windows 8 64 bit chin tal a ngai a, Mac-ah chuan X 10.9 emaw a aia thar emaw a ngai thung. Windows 8.1 chung lam chinah chuan notification hi Action Centre-ah a lang ang.

Whatsapp hi kum 2009-a an din kha a ni a, khawvela message thawnna lam chi an hman nasat ber niin, mi tluklehdingawn khatin an hmang mek. Kum 2014 khan Facebook Inc. chuan USD tld 19.3 zetin a lei a ni. Hei hi tun thlenga company inleina lian ber, man tam ber a la ni. WhatsApp web hi kum 2015 aṭanga siam ṭan a ni a, kumin
aṭangin BlackBerry ten an hmang thei lo thung.