Hmarchhak aṭangin civil service-ah mi 22 an tling

Mizoram state bik aṭangin tling tumah an awm lo UPSC chuan Civil Services Examination 2015 result chu a ti≠chhuak a, hetah hian India hmarchhak
aṭangin mi 22 lai tling an awm laiin, Mizoram state chhung bik aṭangin tling tumah an awm lo.

UPSC-in civil service result a tihchhuahah hian mi 1078 te an tling a, heng zingah hian Assam state aṭangin mi pariat, Manipur aṭangin pariat bawk, Arunachal Pradesh aṭangin pahnih, Meghalaya, Nagaland, Sikkim lehg Tripura aṭangin pakhat ṭheuh an tling. Mizoram state aṭangin tling an awm lo a, Mizo hnahthlak tling erawh an awm.

Manipur aṭanga tling zinga pahnih hi Mizo an ni a, M. Thangsuansang Zou leh Elvina Lalmuanpuii Leivon te an ni. Hmarchhak state aṭanga lang zingah Manipur-a mi Khumanthem Diana Devi chu a ti ṭha ber a ni a, 24-na a ni. Mizote kan ṭan a ngai hle a, India rama inelna sang berah Mizote kan lang tlem sawt ta hle a, hmasawn kan ngaihna lai tak a ni ‚wm e.