Taylor Swift an chawimawi

Thawhlehni khan BMI Award sem a ni a, Taylor Swift chuan chawimawina pahnih ngawt a dawng a, a dawn pakhat zawk hi tuman an la dawn ve loh, ama hmingchawia chawimawina an siam 'Taylor Swift Award' a ni.

Beverly Wilshire Hotel, Beverly Hills, California-a chawimawina an semah hian Taylor Swift hian Taylor Swift Award a dawn bakah hian Pop Songwriter of the Year chawimawina a dawng bawk. He hunah hian thuziak mi leh publisher te hnenah chawimawina hlan a ni bawk.

BMI Pop Awards-ah hian Uptown Funk chuan Pop Song of the Year a dawng a, Barry Mann leh Cynthia Weil te chuan BMI Icon Award chawimawina an dawng a, Sony/ATV chuan Publisher of the Year a dawng bawk.