Fashion Fiesta

Fashion event bawk, ziahlan loh atana uihawm si, fashion kaihhnawih anih miau si chuan kan thailang lo phal lo a ni ber e. April thla khan Women's Polytechnic Durtlang chuan an Multipurpose Hall-ah Garment technology zirlai chhuak turte tan fashion show kum dang ang bawkin an buatsaihsak a. Kum 3 kalta khan mi 20 chuangin he course hi zirin harsatna, mimal leh chhungkua avanga atam zawkin an chawlhsan hnuah mi 8 lai maiin an puitlin thei a, a hautakna te, thawhrim a ngaihzia te chu sawi loha leng, designing zirlaite chauh lo chuan an hrethiam mai awm love.

Kumin project display theme-ah hian inspiration-ah hmanlai (classic) lehkhabu hoa an character ngainat leh duh ber zirlaite hian thlang chhuakin collection an siam a, an collection-ah hian thawmhnaw pathum siam chhuakin, zirlai zinga a tlawntlai ṭha deuh leh an hmelhriat/ ṭhiante model-a hmangin, he show tihlu zual turin an chhungten an rawn
ṭawiawm a, Zonet Cable-in Video cover sakin June thlaa Channel thar tur HD+-ah Zoram mipuite hmuhtheih turin min rawn chhawp≠chhuahsak dawn nghe nghe a ni. Zaithiam R. Lalruatsangi leh Project Fishtail vocalist Eddie ten mipuite awiin, l‚m thiam hmuhnawm tak tak kan hmu bawk a ni.

Native American (Red Indian) kan tihho hi ngainat an hlawh duh phian a niang, khawvel designer lar tam zawk te pawhin inspiration (idea neihna) atan an lo hmang fo tawh reng a ni. Animation Movie-ah pawh ṭhenkhat chuanin kan lo hmuh tawh Red Indian nula chhe lo tak mai, vun rawng hang lampang, sam ngil sei tak, tle siau mai, Pocahontas character inspiration-a hmangin Margaret Lalnunziri chuan thawmhnaw nalh leh dangdai tak mai, Red Indian-ho inchei dan zulzuiin a lo siam chhuak a, fringe leh feathers kan hmu nual a ni. Lalruat≠zeli Varte ve thung chuan serial hmuhnawm tak mai Xena princess warrior chu thlangin Xena chu hmeichhe inring tawk leh huaisen tak, raldo mi a nihna leh hmeichhiate mipate ang thoa huaisen an nihzia lantir nan leather leh fur te rawn chawhpawlhin Thigh high Boots (Boot mal chen) te nen a rawn ṭang kawp a, analh dangdai hle.

Macedonia lal ram luahtu hnuhnung ber, Egypt lalnu hmelṭha, Cleopatra chu theme-ah hmangin Cicilia Zothanmawii chuan Egyptian lalnu incheina lunghlu leh rangkachak te, a collection hi a inspired a ni. Gold, a var leh apawl te chawhpawlhin Head Gear te nen collection hmuhnawm tak a rawn siam a ni. Kum zabi 17-na hunlaia Golden Thrown an tih, Mughal lal Shah Jahan-a ṭhutna ngei mai, a hnua peacock thrown tia kan hriat lar tak kha inspiration leh theme-a hmangin Lalchhanhimi chuan Head Gear, Back Gear leh accessories Ar‡wn hmul te hmangin collection a rawn siam a. Hmeichhe naupang tawh phawt chuan an ngainat Cinderella theme hmangin Angella Zosangpuii chuan collection cute tak a rawn siam ve thung a, he thawnthua Cinderella hmelṭhatna leh ngilneihna te hian idea pein hmanlai aṭanga vawiin thleng pawha thawnthu hlui thei lo anihna hian he collection hi a keng khawm hneh hle.

Hmelṭha kan sawi a, rapthlak lam ve thung; Frankenstein, Scientist ropui tak, thlarau tel lova mitthi tinung theitu leh a thawnthua angel leh ramhuaite indona khan inspired-in Lalruatpuii chuan collection nalh tak, wings leh kawr ṭhui zawh loh hmelhem tak anga langin collection a rawn siam a. Hmanlai thawnthua mite duh em em pakhat, mihausate rawka mi retheite ṭanpui ṭhintu Robin Hood chu inspiration-ah hmangin H. Lalmalsawmi chuan Robin-a inchei dan, thal leh lukhum leh a kawr rawng hring leh sen inpawlh te hmangin collection a siam ve thung a ni. Khawvel mi ropuite zinga chhiar hmaih miah loh tur Alexander the Great theme-a hmangin R. Lalduhsangi chuan he lal naupangte kum 20-mi lekina inringtawk tak maia khawvel lal ram ropui zawkte a thuhnuaia a dah tak dan chu inspiration-ah hmangin inrintawkna pawimawhzia a rawn phochhuak bawk.

Zoram ṭhalaite incheinaa hmasawna sang ringawt lo hian hetiang inelna thianghlim tak hmanga zirlaite leh Institution leh Institution te inkar≠ah a ṭha zawnga inelna hi awm zel se, fa≠shion-ah pawh a ṭha zawngin kan ṭhang ngei ang.

Tluangpuii Hmar

Instructress

Vakiria Institute of Fashion Technology