Rihanna-i'n zirlaite tan scholarship a siam

'Anti' album hlawhtling zet mai a tih≠chhuah hnuah Rihanna chuan music khawvel piah bakah, midangte tana malsawmna a nihna turin zirlai harsate tan scholarship a buatsaih a, USD 5000 aṭanga USD 50,000 thleng zirlai pakhat tan a pe dawn.

Rihanna hian kum 2012 khan Clara Lionel Foundation charity a din a, he pawl kaltlang hian zirlai, sum faia ṭanpui phute tan scholarship hi a buatsaih a ni. Barbados, Cuba, Brazil, Haiti, Guyana, Jamaica leh US-a mite tana dil theih turin a ruahman phawt.

Clara Lionel Foundation hi Rihanna pi leh pu, Clara leh Lionel Braithwaite te hminga a siam a ni a, he foundation-in a tum ber chu rethei leh hnuai≠hnung zawk, khawvel hmun hrang hranga mite khawsak phung tihhmasawn a ni a, hei bakah hian hriselna, zirna leh art & culture lam a hawi bawk.