Azealia Zayn Malik Iggy Azealia-i'n Twitter a hmang thei tawh rih lo

Tunlai hian Azealia leh Zayn Malik te an inchh‚ng nasa thei hle. A bul ṭanna tak chu Iggy Azealia hian Zayn Malik chu a video copy-ah a puh a ni. Azealia video 'Chasing time' chu Zayn Malik hian a video footage tihchhuah 'Like i would'-ah a copy hle niin Azalea chuan a tarlang a, heta ṭang hian an inkarah neuh neuh a awm chho ṭan a ni. Azealia hian twitter-ah Zayn Malik hi vai thlah a nih avanga hmuhsitna lantir zawngin thu a post a, Zayn Malik hian Azealia hi chhang letin, engtin mah a ti lo a, engati nge a rawn khen a rawn khen tizawngin a zawt a ni.

Azealia-i'n Zayn Malik, Asian a nih avanga a hmuhsitna ṭawngkamte hi UK-ah chuan chhui chian mek niin an sawi a, mahse UK-a Home Secretary chuan engmah a sawi chiang duh lo thung. Tunah rih hian Azealia hi a ṭawngkam avangin Twitter hmang thei lo turin an ban rih.