Jackie Shroff-a'n a nickname humhalh phûtin petition theh lut

Bollywood actor Jackie Shroff chuan a hming, a duh zawng leh a nickname 'Bhidu' tih chu midangin a phalna loa an hman khap tura phûtin Delhi High Court-ah petition a theh lut.

Jackie chuan pawl ṭhenkhatte'n a phalna loin a hming, thlalak, a aw leh nickname 'Bhidu' chu an lo hmang ṭhin tih a sawi a, hei vang hian a hming Jackie Shroff tih bakah, Jackie, Jaggu Dadda leh 'Bhidu' tihte chu eng platform-ah mah a phalna loa hman khapsak a phût a ni. Department of Technology leh Ministry of Electronics and Information Technology (MEITY) pawh a personal rights bawhchhiatna lam thil link leh website zawng zawngte paih vek tura hriattir turin a ngen bawk. Nikum khan Bollywood actor, Anil Kapoor pawhin a personal rights venhimsak tura phûtin court-ah a lo thlen tawh bawk.