Bridgerton 3 tracklist-ah BTS, Nick Jonas leh Billie Eilish hla

Netflix hit series, 'Bridgerton' Season 3 chu tihchhuah a ni dawn hnai a, series thara orchestral song feature turte an puang a, heng zingah hian BTS, Taylor Swift, Nick Jonas leh Billie Eilish hlate pawh an tel.

Julia Quinn-a 21st century book series behchhana ziah, Bridgerton season 3 hi May 16 aṭang hian pek chhuah ṭan a ni dawn a, he season-ah hian Penelope Featherington (Nicola Coughlan) leh Colin Bridgerton (Luke Newton)-te love story pho lan a ni ve thung ang. A hma ang bawkin he show-a an signature touch, orchestral pop cover a awm leh dawn a, artist lar tak takte hla thlangin, hengte hi Vitamin String quartet-te'n an perform dawn a ni. Part 1-a an hla cover tur hi BTS 'Dynamite', Billie Eilish 'Happier Than Ever', Pitbull 'Give Me Everthing', Nick Jonas 'Jealous', Sia 'Cheap Thrills', GAYLE 'abcdefu' leh Taylor Swift and Lana Del Rey 'Snow On the Beach' te an ni.