Eurovision 2016-a pakhatna Ukraine

Eurovision Song Contest chu May 14 khan an zo ta a, Ukraine chu pakhatna an ni. Khawvela TV show hlun ber pawl 'annual international TV song competition' an tiha upa ber hi a kum 61-na a ni tawh a, Stockholm, Sweden-ah final hi an nei.

Ram aiawhte inzai≠siaknaah hian Ukraine aiawhin Jamala a zai a, a hla sak chu '1944' tih niin tun hmaa Stalin-a hunlaia thil thlen dan puanchhuahna a ni a, politics rawngkai hla a nih vangin mipui ngaihven a hlawh hle. Ukraine hian point 534 hmuin pakhatna an ni a, pahnihna chu Australia niin point 511 an hmu a, pathumna Russia-in point 491 an hmu.

He inelnaah hian ram 42 an tel a, Europe ram hrang hrang bakah Australia chu 'special guest' angin an tel ve. Zaithiam hrang hrang ram aiawha thlan chhuahte an inlan a, a ram tel zawng zawngin vote an nei vek a, hei vang hian he inelna hi 'duhsak zawng' tihtlin theihna a ni ve lo. Ram tel zawng zawng hian vote thlak dan chi hnih an nei a, pakhat zawk chu ram aiawh mi thiam bik (professional jury) vote a ni a, a dang leh chu TV kal tlanga 'televoting' a ni a, a tawpah a hmu sang ber pakhatna an ni ta a ni.

Eurovision Song Contest hi a lam tawiah chuan Eurovision tih mai a ni a, European Broad≠casting Union (EBU)-a ram inziak lutte inelna a ni ber ṭhin a, tun hnaiah Europe pawn aṭangin sawm bik an tel ve tawh bawk. 1956 aṭangin he inelna hi kum tin neih a ni a, khawvela TV prog≠ramme kum tina tih≠chhuah ziah zinga a hlun ber pawl a tling phak a, sport ni si loah chuan khawvela en hlawh ber pawl a ni bawk.

Eurovision-a pakhat≠nate hi khawvel huapin an lar zui vel lem lo a, a lar chhuakte pawh an awm ve bawk - ABBA (Sweden tan 1974-ah pakhatna an ni tawh) leh CÈline Dion (1988, Switzerland) hi a hnua khawvel huapa lar zui ta langsar ber an ni awm e.