Sual thim fa kan ngaithla thei ṭep e

Engineer zaithiam, Sanglura chuan a audio album thar tur "Sual Thim Fa" tih chu Vortex recording-ah Mizo band lar tak Third Sovereign nen an buaipui ṭan a, Third Sovereign ho hi an album pakhat phei chu Europe-a hralhchhuah tlak hial khawpa ropui a ni.

Sanglura album siam hi kumin chhungin puitlin ngei tumin ngawrh takin an buaipui mek. Sanglura hi Tornado band aṭangin Otto-ah te a play chho zel a, music magazine lar tak Rock Street Journal-ah kum 1994 khan a lo lang tawh a, tun thleng hian rimawi a la chawlhsan lo a ni. A tum ber chu Mizo rimawi tihphuisui a ni a, mahni style-a rimawi kalpui tlat ṭhin a ni a, Zo Ozzy tia sawi pawh an awm a ni.

Rock music uar viau-e ti lo chuan Pathian hla album a lo siam tawh a, a hla sak tam zawk chu Kristian Hlabu-a mi, a thluk dik taka a sak chu ngaihthlak nuam tak a ni. Kolasib-ah PHE department senior EE hna chelh mahse zai lamah hian a la tui dawn chauh ni pawhin a lang.