Ranbir Kapoor-a in man to chu

Feet khat bial lek cheng nuai 1.42 man a nih miau avangin Bollywood star Ranbir Kapoor-a'n Mumbai khaw daia tun hnaia a in lei thar chu cheng vaibelchhe 35 man a ni!

He in zau zawng hi 2,460 sq ft a ni a, Vastu Pali Hill-a awm a ni. Tun hnaiah Bollywood star lam hian in lei an intihhmuh nasa a, sum khawlna ṭha tak a lo ni bawk nen an lei huai hle a ni. He in hi Mumbai khawdaia in leiah chuan a man to ber pawla ngaih a ni a, industrialist Jindal chhungkuain Altamount Road-a Feet khat bial cheng nuai 1.60-a an lei chu a manto ber nia hriat a ni.

Nikum mai pawh khan Akshay Kumar leh Aamir Khan-te pawhin helai bawr velah hian in lian tak tak an lo lei tawh a, anmahni chenna tur ni kher lo pawh in (flat) manto tak tak an lei uar hle a, hralh leh dawn pawhin hralhna tur hi zawn a harsa lo turah an ngai a ni.