Twitter emoji-ah BTS

Tun nipui chhung hian US-ah KCOn ṭum hnih a awm dawn a, hengah te hian BTS kal turin a inbuatsaih mek. Hetia kal tuma an inbuatsiah mek lai hian Twitter lam chuan duhsakna an pe a, BTS pualin emoji an siam thar.

K-Pop zinga Twitter-a emoji nei hmasa BTS puala emoji hi Ningani khan Twiiter chuan a tichhuak. Hetia Twitter-in duhsakna a hlanna chhan hi Twitter-ah an album a lar vang a ni mai thei. Nikum khan BTS chuan Most Beautiful Moment In Life Young Forever an tichhuak a, he album hi Twitter global music traned-ah a lar hle a ni. He album hmang hian BTS hi Billboard 200-ah an lan phah nghe nghe.

BTS emoji hi Bulletproof logo kha a ni. Twitter-ah thu i tweet emaw, i hmang duh a nih chuan #BTS tih i chhu ang a, Bulletproof vest logo kha a lo lang dawn a ni. BTS emoji hmang nasa ber ber ram pangaah te chuan BTS hian an lawmthu sawina video an thawn chhuak ang. Tunah hian South Korea, Philippines, US leh Indonesia te hi BTS fan tamna leh active-na hmun a ni.