Ozzy-a Ozzfest a pui dawn

Rock leh metal music festival lar leh lian, Ozzfest chuan kumin hian kum 20 a tling dawn ta a, hetah hian band ropui tak tak an inlan ang.

Ozzy-a huaihawt Ozzfest hi September 16 khian San Manuel Amphitheater leh Festival Grounds, San Bernardino te neih a ni dawn a, band leh zaithiam 40 chuang inlan tura beisei a ni. Inrinni leh Pathianniaah buatsaih a ni dawn a, Inrinniah hian Black Sabbath chu headliner an ni ang a, Pathianniah hian Slipknot chu headliner an ni ang.

San Manuel Amphitheater leh Festival Grounds te hi kum 1996-a Ozzfest hmasa ber an buatsaihna hmun a ni. Slipknot bik hi kum 1999, 2001, 2004, 2005 leh 2013-ah te khan Ozzfest-ah an lo inlan tawh a, kum 2013 hi chuan Japan-a Ozzfest an buatsaihah a ni.

Ozzfest-a inlan tura beisei zingah Disturbed, Megadeth, Children of Bodom, Hatebreed, Slayer, Amon Amarth, leh Butcher Babies te an tel.