stAge ft Sangteii Khawlhring Ṭhazualah an vanglai an la hmang

17th May, 2016

Hontrade International Ṭhazual Lengzemah chuan stAge ft Sangtei Khawlhring chu pakhatna a vawi hnih nan an awm leh. 'Beiseina' hla hi rin aiin a hlawhtling a, anmahni lam pawhin an beisei aia a hlawhtlin avangin an phur a, an lawm hle.

Lengzem chart chhuak hmasaah khan pakhatnaah a awm tawh a, tunah a vawi hnih nan pakhatnaah a awm leh. Sangtei Khawlhring hi zai lamah chuan kan hmu fo tawh a, Dur≠tlang a ni. stAge tak hi chu 'Beiseina' hi kan vawi khat hriatna a ni mai thei, nikum October thla
aṭang chauh khan stAge ang taka an din ṭan chauh a ni.

A hmain an lo tiho fo tawh ṭhin a, band ang tak chuan stAge hi nikum October thla khan an rawn lang chhuak ṭan a ni. 'Beiseina' hi an video hmasa ber a ni a, Sangtei tan pawn he video hi a hmasa ber a ni tho. Tunah hian an member pangngai hi pathum chauh an la ni a, 'Beiseina' video-ah hian guitarist-ah Triau Trackx-a mi, Atea an hmang rih a ni.

stAge-a an drummer hi Rindika (CDA) a ni a, Rorema chu bassist niin, 'Beiseina' video-ah hian a zai nghal bawk. Moses-a chuan keyboard a chang tawh thung. An drummer CDA chuan, "Hetianga kan music video a hlawhtling hi a mak kan ti a, kan beisei phak bak a ni a, kan lawm hle. Video siam pawh kan tum em em lo a, mahse Sangtei hian video siampuiah min sawm a, kan siam ta a, hetiang dinhmun hi kan thleng ta a ni," a ti.

"Min tiphur khawp mai a, guitarist mumal kan la nei chiah lo nachungin hmalak zel kan tum a, tunah pawh hian hla kan buaipui leh ṭan tawh a ni," a ti.

Pensy-i hla 'Chelh ding rawh' tih chu pahnihnaah a la awm a, he hla, lenglawng hian Pensy hian a hlawhtlinpui hle a, pakhatna pawh a nihpui a nih kha. Pathumnaah a ngai bawk, Zothan hla 'Sam ang ka ṭhen ta e' tih chu a la awm a, Voices of LGC chu palinaah bawk awmin, top 5-ah Manuna hla 'Ka lo tir tawh lawng' tih a rawn lang.

Top 10 aṭangin J&J 'Ka hma≠ngaih ber che' tih chu a chhuak a, Samuela Chhangte leh Sangkimi Khiangte te pawh top 10-ah lang tawh lo. Lawmkimi Chawnghlut hla 'Lenglerh' leh, C. Sanga leh Daduhi hla 'A zual zel si' tih te chu top 10-ah hian an rawn lang thar thung.

Hontrade International
Ṭhazual Lengzem

1 stAge ft Sangteii Khawlhring -

Beiseina

2 Pensy B Lalthangliani -

Chelh ding rawh

3 Zothan -

Sam ang ka ṭhen ta e

4 Voices of LGC -

Summa Supremo

5 Manuna -

Ka lo tir tawh lawng

6 Pektea -

Aw nang nen

7 Lawmi Khiangte -

Kan hlimlai

8 C.Sanga & Daduhi -

A zual zel si

9 Lawmkimi Chawnghlut - Lenglerh

10 Janet -

Ka hmangaih che