Eurovision-ah Russia a lungawi lo

Inrinni zana Eurovision 2016-a result-ah Russia a lawm lo a, Russia sorkar hotu pakhat chuan politics thil avang chauhin Ukrainian mi Jamala hi pakhatnaa thlan niin a sawi.

Jamala hla kha '1944' a ni a, he hla hi Soviet hruaitu, Joseph Stalin-a'n Crimean Tatar hnamte an awmna hmun aṭanga a thiarchhuah tarlanna hla a ni a, he thil hi Indopui II laia thil thleng a ni.

Russia Deputy Prime Minister Dmitry Rogozin chuan kum thar lamah chuan Sergey Shnoruv an teltir tawh ang tih a sawi a, Twitter-ah a tar chhuak a ni. Sergey Shnurov hi Leningrad rock band-a an vocalist a ni a, nationalist tak mai a ni. Rogozin chuan, "A chak emaw chak lo emaw kha a pawimawh lo a, a thuchah ken kha a ni tawh zawk ang," a ti bawk.

Russian ministry of foreign affairs-a mi, Maria Zakharova chuan kum lehah chuan an hla tur chu Assad ṭanna lam hla a ni ang a ti. Assad Suria president a ni a, Russia tawhpui a ni.