Drake-a bawkin a hralh hnem

Kar liam ta chhung khan Keith Urban chuan a album thar 'Ripcord' tichhuak mah se, Drake-a album 'Views' bawk hralh a la kal ber mai. Kar liam ta chhung khan copy 219,000 zet a la hralh a, Keith Urban erawh top 3-ah a lang pha lo.

Drake hian a album a tihchhuah kar khan copyt maktaduai chuang a hralh nghal thei a, kumin chhunga copy maktaduai hralh tlin theih album pahnihna a ni a, pakhat dang chu Adele 25 a ni. Beyonce Knowles album thar 'Lemonade' chu pahnihnaah a awm a, copy 202,000 lai a la hralh thei.

Radiohead album thar hi beisei a sang viau nachungin beisei a pha zan lo dueh a, Drake leh Beyonce te awm vang a ni ang. Radiohead album thar 'A moon shaped pool' chu pathumnaah a awm a, copy 181,000 zet an hralh tho. Heng zing≠a 173,000 hi album pangngai a ni a, kum 2003-a Hail to the Thief an tihchhuah hnua Radiohead album kar khat chhunga hralh hnem ber a ni. Hail to the Thief kha kar khat chhungin copy nuai thum an hralh.

Keith Urban-a album thar 'Ripcord' chu palinaah a lang pha chauh a, copy 106,000 zet chu a hralh. Panganaah hian Prince album The Very Best of Prince a awm.

Billboard album chart

"Views" - Drake (219,000)

"Lemonade" - Beyonce Knowles (202,000)

"A Moon Shaped Pool" - Radiohead (181,000)

"Ripcord" - Keith Urban (106,000)

"The Very Best of Prince" - Prince (77,000)

"You Should Be Here" - Cole Swindell (76,000)

"Anti" - Rihanna (48,000)

"Purple Rain" - Prince (43,000)

"25" - Adele (41,000)

"Traveller" - Chris Stapleton (31,000)