Christopher Nolan-a'n actor ṭha a tih pathum thlang

Legendary filmmaker, Christoper Nolan chuan Hollywood actor a thawhpui tawh zinga ṭha a tih zual pathum a thlang a, chungte chu Cilian Murphy, Robert Downey Jr. leh Al Pacino te an ni.

Cilian Murphy hi Nolan-a film parukah a chang a, a tam zawkah chuan role tenau changin, 'Oppenheimer'-ah leading role a chang a, a rawn chet ṭhatpui hle, Oscar award pawh a dawnpui hial a ni. Nolan chuan Irish actor, Murphy hi a generation-a actor ṭha ber zingah a chhiar tel. Robert Downey Jr. pawh hi MCU lama hun eng emaw chen a awm hnuah, role dang chang duhin, 'Oppenheimer'-ah a rawn chang ve bawk. Al Pacino hi 2002-a Nolan-a film siam, 'Insomnia'-ah khan a chang a ni.