NKOTB studio album thar a chhuak e

18th May, 2024

1980's tawp lam leh, 1990's tir lama Boston boyband lar, New Kids on the Block (NKOTB) chuan kum 10 chuang hnua an studio album siam leh hmasa ber, 'Still Kids' chu BMC kaltlangin an tichhuak e.

'Still Kids' hi kum 2013-a band reunion album, '10' an chhunzawmna a ni. '10' album hi Billboard 200-ah no. 6 a kai a, album chart top 10-a tlang thei paruk an neihna a ni. Jonathan leh Jordan Knight, Joey McIntyre, Donnie Wahlberg, leh Danny Wood hian NKOTB hi kum 1984 khan a din a, an hunlai na nâ nâ chuan an lar hneh hle. Youth magazine-te chuan kar tin deuh thaw an poster hi an dah ṭhin. An album-te hi copy maktaduai 80 chuang an hralh a ni