Zo Hnahthlak Lanu ngei thlangtu Lalsangluaia Renthlei a boral

Zai thiam leh hla phuah thiam Lalsangluaia Ren­thlei chu January 19 zing lam dar 1:45  khan Falkawn damdawi-inah a thi. Zohnahthlak Lanu tih hla a phuah leh sak avanga Zoram mipuiin an hmelhriat Lalsangluaia hi nimin khan Aibawkah vui liam a ni.

Thu dawn danin Sangluaia hi October 2, 1971-ah a piang a, Sialhawk khua a ni. Kum 2001-ah Ramropuii, Aibawk nen an innei a, Aibawk lamah hian a khawsa zui ta a ni. Hun rei deuh tawh aṭang khan zunthlum avangin a na a, a kalte a lo khawih chhe hman  tawh a, tun hnaiah damdawi-in luhpui a ni a, a taksa a lo chau tawh nen a tlin ta lo a ni. A hla phuah zingah hiqan 'Zo Hnahthlak Lanu' tih bakah 'Khawnge Zonunmawi?' tih chu a lar hle a, ram ngaih hla bakah Pathian hla ṭha tak takte pawh a phuah tel bawk.