Bethel Ministry-in an kum 10 tlin lawmna buatsaih dawn

Bethel Ministry chuan an kum 10 tlin lawmna an buatsaih dawn a, ṭhuang thumin an lawm dawn a ni. A lawmna pui ber chu May 29-ah Dawrpui Multipurpose Hall-ah neih a ni ang.

Kum 10 tlin lawmna hmasa berah chuan mipui a duh apiangte tel theih turin, Ram leh Hnam tan ni 10 chhung chawnghei ṭawngṭai an nei ang. Hei bakah May 28 aṭanga tlawh theih turin Dawrpui Multipurpose Hall-ah Gallery hawn a ni dawn a, hetah hian Bethel Minsitry in rawngbawlna an ṭan tirh aṭanga an thil neih, Pathianin nasa taka a lo hman ṭhin bungruate bakah thlalakte pho chhuah a ni ang.

May 29 zan inkhawm ban, dar 8:00 ah Dawrpui Multipurpose Hall-ah a lawmna pui ber neih tur a ni dawn a, he hunah hian HLA TE HLA (Song Of Songs) tih hmangin Pathian fak leh chawimawina hun hman a ni ang. Speaker Frederick Lalrindika chuan Hla te hla tih vuah a nih na chhan chu Bethel Ministry te rawngbawlnaa Pathianin hla a lo tih nun zual bik te thlan chhuah a nih dawn avang a ni tih a sawi.