UK musician zinga billionaire hmasa ber Sir Paul McCartney

Sunday Times Rich List tihchhuah tharah Beatles member hlui, Sir Paul McCartney chu billionaire zingah telin, UK musician zinga billionaire ni thei hmasa ber a ni. Kum 81 mi ni tawh, McCartney hian nikum khan tour a neihna aṭangin £ mtd 50 zetin a hausakna a pun belh a ni.

Rich List-a hian UK-a hausa ber chu Gopi Hinduja chhungkua bawk an ni leh a, an hausakna hi £ tld 37.2 zet a tling. List-ah hian £ mtd 350 nei pha chin dah niin, mi mal leh chhungkua 350 an awm a ni, heng mite sum neih belhkhawm hi £tld 795.3 a tling. List-ah hian Sir Elton John, Lord Lloyd-Webber, David leh Victoria Beckham-te pawh an lang. A ṭum khatna atan Formula 1 driver, Sir Lewis Hamilton pawh a lang ve bawk.