Boruak bawlhhlawh vangin kumtin nuai 5 chuang an thi

Geophysical Research Letters journal-on report a tihchhuah tharah, India ram boruak a bawlhhlawh hle a, boruak bawlhhlawh vang hian kumtinin mi nuai nga chuang an thi niin a tarlang.

Boruak bawlhhlawh hian natna chi hrang hrang a thlen thei a, heng zingah hian lung na, chuap cancer leh stroke-te pawh a tel a ni. Nikuma Nature-in zirchianna a neihah, boruak bawlhhlawh chi khat 'fine particulate matter' avangin kumtinin khawvel pumah mi maktaduai thum an thi niin a sawi. India leh China-ah chuan boruak bawlhhlawh hian zual lam a la pan zel a, kuminah India hian China a pel tawh a ni.

Hetihlai hian nimina World Health Organization (WHO) in air quality database a tihchhuah≠ah Delhi khawpui chu khawvela khawpui boruak bawhhlawh zual tehnaah 11-na a ni a. Kum 2014 khan khawpui boruak bawlhhlawh berah puan a lo ni tawh a ni.Kum 2014 khan khawpui 1600 boruak zirchian a ni a, kuminah chuan khawpui 3,000 zirchian a ni thung.

Database-a tarlan danin Iran-a Zabol khua chu boruak bawlhhlawhna ber a ni a, Gwalior leh Allahabad ten an dawt a, Patna leh Raipur chu parukna leh pasarihna an ni bawk. Khawpui boruak bawlh≠hlawh zual 10 thlan chhuah≠ah hian India ram khawpui pali-te hi an tel pha a ni.