Tun karah Ariana album

Lil Wayne nena an sak 'Let me love you' clip a tichhuak te te a, chumi hnuah Ariana Grande hian a album thar chu tunkar Zirtawpni hian a tichhuak dawn ta. Ariana Grande album tur hi Dangerous Woman a ni. Ariana Grande hi kum 1993-a piang kha a ni a, Broadway musical hit zet mai 13 aṭangin bul a rawn ṭan chho a, hei hi kum 2008 kha a ni. Hemi hnu hian Cuba Libre leh A Snow White Christmas-ah te a lang leh. Kum 2013 khan 'Yours Truly' album a rawn tichhuak a, a hit hle a, mi tam tak chuan 'Mariah Carey te zawk a ni e' an ti hial. Kum 2014 khan 'My Everything' a rawn tichhuak a, hralh a kal leh hle.