Thar Thar Jeje-a'n a tlangzarh

India International Striker Jeje Lalpekhlua chuan nimin khan Mana Motors, Bawngkawnah Mahindra Thar chhuak thar a tlangzarh.

Thar chhuak thar tlangzarhna inkhawmah hian Mana Motors dealer principal Dr. Franklin Ralte chuan October 2, Mahindra kum 75 tlinna ni atang khan Inida ramah booking hawn tan a nih thu leh October 4 kha chuan mi 9,000-in an book der tawh thu leh amah ngei pawhin a book ve hial thu a sawi.

Mahindra chuan off roading atan kum 2010 atang khan Thar hi a tlangzarh a, tuna Thar chhuak thar hi chu a hmasa aiin changkanna thar tam tak neiin chuan nuam zawka siam a ni.

Product review neitu Vanlalmuana (Muantea), Info Cars chuan a pawn lam lan dan mai piah lamah a chhung lamah pawh Thar hmasa nena khaikhin chuan a danglam nasa hle tih sawiin a chhung chu car changkang tak ang mai a nih thu a sawi.

Off-road motor a nih angin a ke a puar zawng, a hawi ngil em tih thlengin a khalh tuin a hriat theihna tur dah a ni a, water resistance a ni bawkin Petrol leh Diesel engine hang siam a ni. Mana Motors hi hmarchhak state zinga Thar dawng hmasa ber niin interest rate hniam takin Mahindra Finance kaltlangin loan pawh a lak theih.

Variant hrang hrang awmin Rs. nuai 9.8 atanga nuai 12.9 inkar ma vel a ni arawng chi hrang paruk a awm.