Kaya Scodelario, Tom Hopper leh Avan Jogia kan hmu dawn

Resident Evil film reboot chu nakkum lamah kan hmu dawn a, 47 Meters Down film siamtu Johannes Roberts chu director a ni dawn a, lemchan thiam lar tak tak Kaya Scodelario (Maze Runner), Tom Hopper (The Umbrella Academy) leh Avan Jogia (Zombieland: Double Tap)-te an chang dawn.

Kaya Scodelario hi Claire Redfield lemah a chang dawn a, Tom Hopper chu Albert Wesker lemah a chang dawn thung a, Avan Jogia chuan Leon S. Kennedy lem a chang dawn bawk. Anni bakah hian Hannah John-Kamen, Robbie Amell leh Neal McDonough-te pawh an chang dawn tih a chiang tawh a ni.

Resident Evil film siam thar tur hi kum 1998-a Raccoon City-a thil thleng anga chan tur niin a origin story a ni leh dawn a, video game series zulzui deuh tak takin an siam dawn a nih hmel.

Milla Jovovich channa Resident Evil film series kum 2002 leh 2016 inkara kan hmuh tawhah khan heng a chunga kan tarlan tak character-te hi an lang vek tawh a ni.

Johannes Roberts chuan a film siam thar turah chuan original game pahnih hrut nawn leh a duh thu a sawi. Milla Jovovich kha Resident Evil film series parukah ngawt a chang a ni.