The Voice-ah a sang pali a hriat

The Voice-a intihsiakna chu a sang tial tial a, a tla an uiawm tial tial. Shalyah Fearing, Adam Wakefield, Alisan Porter, Paxton Ingram, Laith Al-Saadi, Bryan Bautista, Mary Sarah leh Hannah Huston ten top 4 thlen tumin an bei a, a tling an puang chhuak ta.

Adam Wakefield chu top 4-a tling an puan hmasak ber a ni a, Alisan Porter leh Hannah Huston te hming an lam zui bawk a, an thla a muang huai. Pharrell Williams-a team zingah Hannah Huston chiah hi tling awm chhun a ni tawh.

Pali an tlin hnuah a dang zawngin Instant Save beiseiin an bei a, Paxton Ingram leh Shalyah Fearing te tan Instant Save beisei tur a awm lo, a hniam ber pahnih an ni. Mary Sarah, Bryan Bautista leh Laith Al-Saadi ten Instant Save beiseina an la nei. An pathum zingah Laith Al-Saadi a vannei ta a, top 4-ah a tling ve ta a ni. Alicia Keys leh OneRepublic te an zai a, mipuiin an hlut hle.