Zorinsanga Sailo hla pathumna

Mizo Idol 2013-14-a Ramhlun North tlangval Zorinsanga Sailo chuan a music video pathumna chu peihfelin, MDM Library-ah a dah lut leh ta. 'Ka hmangaih hma pawhin' tih hla pawh Ṭhazual chart-a top 10-a kan hmuh theih kha a ni a, Zorinsanga Sailo hla thar pawh hi a thlen san i beisei leh phawt teh ang.

Zorinsanga Sailo hla thar hi KHB 181-naa mi 'Chhandamtu ngilnei chuan' tih hla kha a ni. Boys of God recording studio-a record a ni a, video hi BKL Visual Production kutchhuak a ni. Tuna Class XII result chhuakah khan Zorina hi a pass a, a pass lawm nan hian recording leh video te hi a thlawn veka an siamsak a ni.